Tum Ajeeb Larrki ho !!! [POEM Dedicated to my WIFE]

Tum Ajeeb Larrki ho,
Ansuoun ko peeti ho,
Zehr Zindagi k sab,
…Sath lay k Jeeti ho,
Chandni k Haalay ko,
Subha k Ujaalay ko,
Roshni k badal mein,
Jhilmilate Anchal mein,
Baandh k Yun rakhti ho..
Tum Ajeeb Larrki ho…

Chhup k Aahen Bharti ho,
Roshni se darti ho,
Apne saare Sapnun ko,
Yun chhupa k rakhti ho,
Jese Saaray khwabun par,
Ishq k Azabun par,
Bas Tumhara hi Haq hai,
Aise baten karti ho,
Tum Ajeeb Larrki ho….

Khawab Bunti rehti ho,
Khawab k jharonkun se,
Mujh ko Takti rehti ho,
un-gint Sawalun se,
Un-kahe Jawabun se,
Bas Ulajhti rehti ho,
Khawab dekhti bhi ho,
Tootne se darti ho,
Tum Ajeeb Larrki ho…

Tum Wafa ki Batun par,
Muskurati rehti ho,
gehri gehri ankhun se,
Door-been Nigahun se,
Sab ko dekha karti ho,
Aur Sab se Chhup k phir,
Ansuoun ko peeti ho,
Jane kese jeeti ho,
Tum Ajeeb Larrki ho…

z@iB !!!